انا القمر وانتي من الشمس مقسومه


في صورتك نور ياصل بيني وبينك

انا عرفت انك من الروح ماخوذه

لاغبت يوم يطول اليوم بغيابك

احس لا ضاقت الروح بك ضيقه

هذا القلم عيا يطيع ويرسمك فوق الورق

كنتي زمان انتي الكتاب الي قريته في الصغر

وانتي بعد معشوقتي الي على الدفتر كتبت

احروف اسمك في قلوب .


وانتي على صوت النغم في ذاك الوقت البعيد

كنت ارسمك فوق الرمل واحس كنك تضحكين .


تدرين يا كل البشر وشلون يوم اني صغير

اعشق انا بس الدروس والعب مع الي يلعبون

وافرح مع الي يفرحون وانام مع نوم الطيور

وان صار في نومي احلام حدي فريق فاز يوم
واليوم كنك معك سوط وقلبي اسير في يديك

ان ما يطيعك ينجلد وان طاع هو دايم جريح

وان غاب سوطك له شوق اشتاقله كنه دواي

مدري عذاب الحب ليه وجروح للعاشق تجيه
واليوم يا نور العشق يا طلة الفرح الجميل

انتي على حزني فرح وانتي على فرحي حلاه

هي الحياة اليوم غير الوقت ابعدني عناه

والحب في قلبي عنيد ما يوم غبتي عن سماه

من يغيب في نور شمسك لايهمك

ياخذ اهمومك وهو قلبه يضمك

يجبر الدنيا تعيش بنور ظلمك

ياخذ الياقوت من دمك لفمك

يجمع نجوم السما في عقد همك

وان تمايل القمر يمك يلمك

واشرقت من ظلم ليلك كل شمسك

انفتح صدر الرعد والبرق يمك

وش بلا همك وهمي صار همك

يا حروف من غلاها الصدر كنك

شدها جوفة ومن شوقة يكنك

لو حروفك سم ما همه يكنك

كنك انتي اليوم في قلبي تجنك

الهموم الي تصيب القلب منك

وان تكسر جبر حرفك من يهمك

القلب ملكك ولو قلبي يضمك

تشربينه شهد لو دمي في فمك

القلوب انواع وانتي قلب سرك

ما يغير قلب محبوبك مسرك

يوم نجمك جاب نجمة في مجرك

لا يصيب النجم شهب في مجرك

وان سرا نجم من جنبك وجرك

واختفى في كونك نجوم تمرك

تحترق انجوم وشهاب تحرك

والسماء ثابت ولا همه يهمك

ما يغير السماء نورك وظلمك

والنجوم الي تمره وسط كمك

من غلاك اشوف نورى وسط نورك

سولفيلي

سولفيلي خلي اهمومي بصوتك تنتهي
اه يا صوت ونغم غاب عني من زمان
حرف صوتك يا حياتي نبع عذب من حنان
كل كلمة تجتمع من نبع حرفك هي جنان
سولفيلي سيلي نبع العذوبه من شفاك
لا تقولي يوم كنت ويوم راح وتذكره
ما ابي اذكر زمان ابعدك عني بعيد
سولفيلي بستغل لحظة وجودك يا غرام
بستقي من شهد حرفك لين قلبي يرتوي
اه يا روعة نباك وصوتك الي يسحرا
اه من نظرت عيونك ومن غيابك يجرحا
اه ياطعم الفراق المر عيا لا يروح
سامحيني لو قسيت او يوم عنك ابتعد
واسمحيلي لو بقيت احب والفرقا كتاب
اه من طيبك وذوقك من جمالك يا ملاك
اه من عفت حنانك وصوتك الي لي دوا
اه يا عمري فداك لوقت لو كلة يذوب
بين جلسة يومك الحلوه وروعة سهرتك
اه يوم اذكر فراق بعد ها الجلسه قريب
وما اشوفك عمري باقي ليه يبقى ها العمر
سولفيلي دون دمع ادموعك اجروح وحزن
واشتكيلي لو زمانك يا بعد عمري قسى
واشتكيلك من هموم الوقت الي بي تعوم
لين شمس الصبح تطلع والفراق يحين دوم

العيون الحور

تعلمت في عمري لغات كثيره
وتفننت في تعليم لغات العيون
واعرف اترجمها واعرف لغتها

وافهم وش المقصود من رفة الرمش
ومن ضحكة العين لو هي صغيره
واعرف من اعيون المها وش هدفها
ومن يفهم اعيون المزايين يشقا
فيهم صغيرها عينها كنها الماس
وفهيم عيون أيلا تحرك هدبها
كل البشر مع رفة الرمش توقف
وفهيم عيون حور تذبح بسرعه
لا شفتها ماعاد تذكر دروسك
وان مت باسباب الحور انت مرحوم
ما تنشرح اوصافها قول هي حور
لاقلت حور االناس عرفت هدفها
قالو عيونن في طرفها الحورقتاله
وش بعد قتل الروح من عين حورا
اعشق انا دايم مخاطر الاهداب
واغوص في اعماق بحور ها الحور
واجمع من الاعماق اسرار معشوق
معشوق كل مافيه في داخل العين
حاير في بحر الحور ما يعرف العوم
اقول والقول باقي ولو طال
ما ينوصف حور في عين حورا

خير يا قلبي

خير يا قلبي وش الي فيك متغير ... يجي يوم وتضيق ويوم تاخذني مع الاحباب




هو الي صابك اليوم مثل ذاك الزمان ارماح من عيون العنود الي صدفناها




او انك صرت متعود تجر من الطعون ارماح وتصبر مثل عاداتك تحمل قوة الاوجاع




اعرفك يا قلب تعبان ولولا ها الفقص حابسك ... كان اليوم مثلك طير ترفرف عاليٍ عالي


ولكن ما يصيبك جاك وما يخطيك ما صابك تعودنا انا واياك نحب وننجرح دايم




ومتعتنا في كثر الجروح ونعشق طعنة الارماح نحب الورد لو شوكة يقطع كل يوم عروق




اعرفك يا قلب هايم ورا عين العنود اليوم واقول اصبر وصبرني ترا عشق الهوا زايل




يقولون البشر عنك حجر وقاسي دايم وانا اقول الحجر ما ينطعن من رمش مزيونه




هو الي صابك اليوم من اعيون العنود وبس اجل لو شفت مبسهما نقول الله يعوضنا




على قلب عشق وحده وهو ما شاف غير العين تبي علمي يا قلب شال من العنا عونه




انا ماني على كيفك تمشيني ورا الخلان تجر ارماحك وتمشي وكنك في عصر ليلى




انا عندي شغل واشغال وماني فاضي لاحبابك تحب وتنجرح منه وانا اعالجلك اجروحك


تبي تشفى وتبرا من جروحك لا تعاندني طيع الي سجنك وحط اضلوعة عليك قضبان


وعقل فاهم وراسي يحرسك صاحي ونايم اقول يا قلب متعبني ورا ما تترك الخلان






انا معك الهوا ولعة ومن حب حب صح ما يقدر على الفرقا






ولكن ودي اريحك وانا ارتاح من ادواك ولا ابي كل يوم انت تون وصاحبك حيران




خير يا قلبي ومن وين يجينا الخير ... عيون البنات اليوم ما تجنن وبس اهبال




كنك جندي و اعزل في وسط المعركة حيران توقع سهم صابك ثم سهم اخطاك




انا ما لومك اليومه اقول احذر وهذا ادواك .........

اكتبيني حروف

اكتبيني حروف وامسحيني صور






وارسمي شعري المجهول في صدر القمر






ذوبي في كاس عمري سكرك واشربيني






طيب الوقت لو مره تعدا يزول






ما تعود الليالي لو تمر الشهور






البحر ملح وانفاسه عذوبة هواك






كل ما عشت يومك كن يومي غشاك






لو سهرتك نهار ولو نهارك سهر






ما تعود الليالي والوعد في الفراق






حلم ساعة لقاك وخوف لحظة وداع






في لقانا تواعد والوعد في الوداع






اشرب المر حالي من شفاتك سراب






واخذ الحب عاشق ما تموت الامال






قاتلي هو حنانك و عطفك المتهم






يا رفيق المساري يا صديق الامان






لية تقتل وتضحك والفرح رقصتك






العمر مر مع لحظة مرورك سريع






ثم توقف مع الحظة غروبك يدور طريق






لية حبي جريح ودايم ما يدوم






كل ما مر معها يوم حلو انتهى






هي حياتي شقا او حبيبي عنيد






واقف نبض قلبي والهوا ما يفيد






صارت اضلوعي الي تحمي القلب غير






ما تحمل رياح الحب مره جديد






تصرخ اضلوعي الي هزها شوق ذاك






كل ما مر ريح كنها تذكره